Birinchi raqamli bortlar. Samarqandga kim qanday samolyotda keldi? (foto)

Qayd etilishicha, sammit munosabati bilan Samarqand xalqaro aeroporti ikki kunda xorijdan 13 davlat va hukumat rahbarlari havo kemalarini qabul qildi.

Quyida Samarqandga qo‘ngan birinchi raqamli 13 ta bortning suratlari, ularning ba’zilari haqidagi ayrim ma’lumotlarni e’lon qilamiz:

Shanxay hamkorlik tashkiloti davlat rahbarlari kengashining navbatdagi majlisida qatnashish uchun dastlab Mo‘g‘uliston зrezidenti Uxnaagiyn Xurelsuxning samolyoti – Boeing 737-800 (JU-1088) Samarqandga keldi.

Eron Islom respublikasi prezidenti Ibrohim Raisiy ham 14-sentabr kuni rasmiy tashrif bilan mamlakatimizga keldi. U Airbus A340-300 (EP-IGA) xizmatidan foydalandi.

Qirg‘iz respublikasi prezidenti Sadir Japarovning samolyoti Samarqand xalqaro aeroportiga qo‘ndi.

Xitoy xalq respublikasi raisi Si Szinpin Boeing 747-8 (B-2482) bortida davlat tashrifi bilan Samarqandga keldi.

Tojikiston prezidenti SHHT sammitida qatnashish uchun 737-8GL, EY-777 samolyotida keldi.

SHHT sammitiga faxriy mehmon sifatida taklif etilgan Turkmaniston prezidenti Serdar Berdimuhamedov Boeing 777-200(LR), EZ-A780 samolyotidan foydalandi. Ushbu havo kemasi uzoq masofalarga uchishga mo‘ljallangani bilan ajralib turadi. U dunyodagi deyarli har qanday ikki aeroportni bog‘lay olishi haqida ma’lumotlar keltiriladi.

Shanxay hamkorlik tashkilotining Samarqand shahridagi sammiti doirasida tashrif bilan mamlakatimizga kelgan Rossiya prezidenti Vladimir Putinning borti.

Pokiston Islom respublikasi bosh vaziri Shahboz Sharif Samarqand sammiti tadbirlarida qatnashish uchun ushbu samolyotda keldi.

Ozarbayjon respublikasi prezidenti Ilhom Aliyev Samarqandga mamlakat havo yo‘llarining Airbus A340-600 (4K-AI08) samolyotida tashrif buyurdi.

Belarus respublikasi prezidenti Aleksandr Lukashenko Shanxay hamkorlik tashkiloti davlat rahbarlari kengashining Samarqanddagi majlisida qatnashish uchun 15-sentabr kuni ushbu samolyotda keldi.

Turkiya respublikasi prezidenti Rajab Toyyib Erdo‘g‘an O‘zbekistonga 747-8ZV(BBJ) samolyotida tashrif buyurdi. Ma’lumotlarga ko‘ra, ushbu havo kemasi 400 nafar yo‘lovchiga xizmat qila oladi, lekin u hozirgi tayyor holatida 76 nafar yo‘lovchiga mo‘ljallangan.

Qozog‘iston respublikasi prezidenti Qosim-Jo‘mart To‘qayev Samarqandga ushbu samolyotda keldi.

Samarqandga taklif etilganlar orasida eng oxirida kelgan Hindiston respublikasi bosh vaziri Narendra Modi Boeing 777-300(ER) samolyotidan foydalandi.