Toshkent xalqaro aeroportida rasmiy taksi xizmati ish boshlaganidan so‘ng noqonuniy taksi haydovchilari bir necha marta provokatsiyalar uyushtirgani haqida xabar berilgan edi. Poytaxt IIBB matbuot xizmati aniqlangan muammolarni bartaraf etish yuzasidan tegishli topshiriqlar berilganini ma’lum qildi.
Xabarda aytilishicha, 15-sentabr kuni Toshkent shahar IIBB boshlig‘i general-mayor Aziz Tashpulatov va “Toshshahartransxizmat” AJ boshqaruv raisi Anvar Jo‘rayev aeroport hududi atrofidagi yo‘lovchi tashish bilan shug‘ullanuvchi haydovchilar bilan uchrashib, profilaktik suhbat o‘tkazdi.
Suhbatdan so‘ng aniqlangan muammolarni bartaraf etish yuzasidan tegishli topshiriqlar berildi.
Uzbekistan Airports aksiyadorlik jamiyati boshqaruvi raisi Ra’no Jo‘rayeva aeroportda noqonuniy taksi haydovchilari bilan bog‘liq muammoni bir kunda hal bo‘lmasligini aytgandi. “Muhimi, hozir bizni huquq-tartibot idoralari qo‘llab-quvvatlasa. Aeroport muammoni bir o‘zi hal qilolmaydi”, — degan edi u.
Izoh (0)