“Afg‘oniston terrorizm qurboni hisoblanadi”. Pokiston bosh vaziri xalqaro hamjamiyatni qo‘shni mamlakatni qo‘llab-quvvatlashga chaqirdi

Pokiston bosh vaziri Shahboz Sharif SHHTning Samarqand sammitida xalqaro hamjamiyatni Afg‘onistonning mamlakat iqtisodiyotini mustahkamlash va barqarorlikni ta’minlashga qaratilgan chora-tadbirlarni amalga oshirish uchun muzlatilgan aktivlardan foydalana olishini ta’minlash bo‘yicha sa’y-harakatlarini qo‘llab-quvvatlashga chaqirdi.

“Hududlarimizda Afg‘onistondagi vaziyatni hisobga olgan holda, uzoq muddatli tinchlikni ta’minlashga qaratilgan yechimni birgalikda topsak, mintaqamiz davlatlari tinchlikda yashaydi, taraqqiyotga erishadi va o‘z rivojlanish mexanizmlari bilan bo‘lishadi.

Biz Afg‘onistonning o‘z xalqi uchun munosib hayotni ta’minlash yo‘lida ta’lim, sog‘liqni saqlash, iqtisodiyot va boshqa sohalarda olib borayotgan barcha ijobiy tashabbuslarini birgalikda qo‘llab-quvvatlashimiz kerak. Afg‘oniston muammolariga e’tiborsizlik katta xato bo‘ladi.

Terrorizmga qarshi kurashish va xavfsizlikni ta’minlash borasida Afg‘onistonni mustahkamlash nafaqat bu mamlakat, balki butun dunyo uchun ijobiy burilish bo‘ladi.

Afg‘oniston terrorizm qurboni hisoblanadi”, — deydi Shahboz Sharif.