Toshkent shahrida o‘tkazilgan tender savdolarida bir qator qonunbuzilish holatlari aniqlanib, huquqni muhofaza qiluvchi organlarga yuborilgan. Bu haqda Monopoliyaga qarshi kurashish qo‘mitasi xabar qildi.
Qayd etilishicha, qo‘mitaning Toshkent shahar hududiy boshqarmasi tomonidan hududda doimiy tanlov (tender) savdolari monitoring qilib boriladi. Joriy yilning 8 oyi davomida shahardagi budjet va korporativ buyurtmachilar tomonidan boshlang‘ich narxi jami 2 trillion 590 milliard 9 million so‘mlik 1974 ta tanlov (tender) savdolari o‘tkazilgan.
Monopoliyaga qarshi kurashish qo‘mitasining Toshkent shahar hududiy boshqarmasi tomonidan o‘tkazilgan o‘rganishlar natijasida umumiy boshlang‘ich qiymati 107 milliard 12 million so‘mlik 156 ta tender savdolarida “Davlat xaridlari to‘g‘risida”gi hamda “Raqobat to‘g‘risida”gi qonunbuzilish holatlari aniqlangan.
Bunday qonunbuzilish holatlariga yo‘l qo‘ygan:
- 66-sonli imkoniyati cheklangan bolalar uchun ixtisoslashtirilgan maktab;
- Bektemir, Mirobod, Yashnobod, Mirzo Ulug‘bek tuman maktabgacha ta’lim bo‘limlari;
- Yashnobod tuman xalq ta’limi bo‘limi;
- Uzbekistan Airways Technics MCHJ;
- R.Gliyer nomidagi respublika ixtisoslashtirilgan musiqa maktabi;
- “O‘zbekiston temir yo‘llari” AJ;
- “Ko‘prikqurilish tresti” UK qoshidagi 13-Ko‘prikqurilish otryadi;
- Olmazor tuman hokimligi;
- Mirobod tuman Obodonlashtirish boshqarmasi;
- “Toshkent issiqlik markazi” DUK Toshkent ko‘priklardan foydalanish unitar korxonasi;
- Uz Chasys MCHJ;
- “Otel O‘zbekiston” MCHJ;
- Ko‘zi ojizlar maktab-internati;
- Toshkent viloyati ixtisoslashtirilgan somatika shifoxonasi;
- Toshkent davlat O‘zbek tili va adabiyoti universiteti qoshidagi akademik litseyi
23 ta xaridlar buyurtmachilar tomonidan ixtiyoriy ravishda bekor qilingan, 81 ta xaridlarda yo‘l qo‘yilgan qonunbuzilishlar yuzasidan chora ko‘rish uchun huquqni muhofaza qiluvchi organlarga ma’lumot kiritilgan.
Izoh (0)