Checheniston rahbari Ramzan Qodirov Samarqandda o‘tkazilayotgan SHHT sammiti va O‘zbekiston prezidentining anjumanga bag‘ishlangan maqolasi haqida fikr bildirdi.
“Do‘stlar, bugun jahon hamjamiyatining e’tibori Shanxay hamkorlik tashkiloti sammitiga qaratilgan. U go‘zal Samarqand shahrida bo‘lib o‘tmoqda. Ishtirokchilar orasida yetakchi kuchlar vakillari ham bor. Sammit doirasida davlat rahbarlari dunyodagi mavjud muammolarni muhokama qiladi.
O‘zbekiston prezidenti Shavkat Mirziyoyev to‘g‘ri ta’kidlaganidek, zamonaviy tizim oqsay boshladi. Shu bois mazkur sammit o‘tkir muammolarni konstruktiv muloqot orqali hal etish yo‘llarini topish uchun chaqirilgan.
Shavkat Miromonovichning afg‘on xalqiga yordam qo‘lini cho‘zishga chaqiruvi ham hurmatga sazovor. Men bu pozitsiyani qo‘llab-quvvatlayman. Afg‘onistonda tinch hayot o‘rnatish bosqichini ilgari surish zarur. Umuman olganda, sammit platformasi dolzarb masalalarni muhokama qilish va hal etish, mamlakatlar o‘rtasidagi do‘stona munosabatlarni mustahkamlash uchun ajoyib imkoniyat bo‘ladi. Tadbir ishtirokchilariga chin dildan samarali faoliyat, omad va muvaffaqiyatlar tilayman”, — deb yozdi Qodirov o‘z sahifasida.
Mavzuga doir: Shavkat Mirziyoyevning SHHT Samarqand sammitiga bag‘ishlangan maqolasi e’lon qilindi
Izoh (0)