Gollivud aktrisasi Jennifer Eniston taniqli boshlovchi Opri Uinfrining uyini sotib oldi. Qiymati 14 million dollardan ortiq bo‘lgan mulk Buyuk Britaniya qirollik oilasi vakili — shahzoda Garri va uning rafiqasi Megan Marklning Montekitodagi saroyi yaqinida joylashgan, deb yozmoqda Dirt nashri.
Uinfri mulkni 2021-yilning boshida sotib olgan va unga 10,5 million dollar to‘lagan. Sotuvchilar Nyu-Yorkdagi fond menejeri Fred Shuman va uning rafiqasi Stefani edi, juftlik ko‘p yillar davomida uyni qurgan. Keng kompleks O‘rta Yer dengizi uslubidagi asosiy uyni, ikkita kichik kottejni va keng maydonlarni o‘z ichiga olgan.
Avgust oyi o‘rtalarida boshlovchi uyni bo‘ldi. Uning ikkita kichik kotteji 2,3 million dollarga Uinfrining uzoq yillik shaxsiy murabbiyi va ko‘chmas mulk menejeri Bob Gringa sotildi. Uinfri O‘rta Yer dengizi uslubidagi asosiy uyni Gollivud yulduzi Jennifer Enistonga qariyb 14,8 million dollarga sotdi.
Saroy 1998-yilda qurilgan. Uy toskana fermasi deb ham ataladi. Uning U shaklidagi tuzilishi to‘rtta yotoqxona, uchta hammom va bitta hojatxonani o‘z ichiga oladi. Eniston mulkining umumiy maydoni 1200 kvadrat metrni tashkil qiladi. Bundan tashqari, alohida mehmon uchun uy mavjud bo‘lib, zich o‘rmonli hudud yarim gektarga yaqin maydonni egallaydi.
Eniston mulkining avtoturargohi o‘n beshta mashinani sig‘dira oladi. Uy ko‘chadan ko‘rinmaydi.
Mavzuga doir:
- Haligacha farzand ko‘ra olmagan va buning sababini hech kimga aytmagan aktrisa — Jennifer Enistonning hayoti va karyerasi (foto).
- “Bu miyamga ta’sir qila boshladi”: Gollivud aktrisasi Jennifer Eniston uyqusizlikdan aziyat chekayotganini ma’lum qildi.
- Gollivud yulduzi Jennifer Eniston shaxsiy kosmetik brendiga asos soldi.
- Bred Pitt va Jennifer Eniston 20 yildan so‘ng ilk marta kinoda birga rol ijro etadi.
Izoh (0)