Toshkent shahri Yangihayot tumanida 13-sentabr kuni xonadonlardan birida yong‘in sodir bo‘ldi. Bu haqda Toshkent shahar Favqulodda vaziyatlar boshqarmasi xabar qildi.
Qayd etilishicha, shu kuni soat 06:10 larda “Chorbog‘” mahallasida joylashgan ko‘p qavatli xonadonlarninig birida yong‘in kelib chiqqan. Shunga ko‘ra yong‘in joyiga soat 06:14 da yong‘in-qutqaruv guruhlari etib borgan va soat 06:27 da yong‘in to‘liq bartaraf etilgan.
Yong‘in oqibatida uy jihozlari va uyning ichki qismi 30 kvadrat metr maydonda yonib zararlangan.
Bir nafar fuqaro kuyish tan jarohati natijasida halok bo‘lgan.
Yong‘inning kelib chiqish sabablari va keltirilgan moddiy zarar miqdori aniqlanmoqda.
Izoh (0)