Prezidentning “Onalar va chaqaloqlar salomatligini muhofaza qilish hamda aholi reproduktiv salomatligini yanada mustahkamlash chora-tadbirlar to‘g‘risida”gi qarori loyihasi e’lon qilindi.
Unga ko‘ra, Respublika ixtisoslashtirilgan akusherlik-ginekologiya va reproduktologiya ilmiy-amaliy tibbiyot markazi va uning Qoraqalpog‘iston va viloyatlar hududiy filiallari tashkil qilinadi hamda onalar va chaqaloqlarga yanada samarali tibbiy yordam ko‘rsatishning vertikal boshqaruv tizimi yo‘lga qo‘yiladi.
Qayd etilishicha, ushbu markaz Respublika aholi reproduktiv salomatlik markazi, Respublika “Ona va bola skrining” markazi hamda Respublika ixtisoslashtirilgan akusherlik va ginekologiya ilmiy-amaliy tibbiyot markazi negizida tashkil etiladi. Uning filiallari esa Respublika aholi reproduktiv salomatlik markazi hamda Respublika “Ona va bola skrining” markazi hududiy filiallari negizida tashkil etiladi.
Markaz faoliyati asosiy vazifalari va faoliyat yo‘nalishlari:
- reproduktiv yoshdagi aholi, homilador ayollar, yangi tug‘ilgan chaqaloqlar skriningi, kasalliklar profilaktikasi, diagnostikasi, davolash va reabilitatsiya bo‘yicha ixtisoslashtirilgan hamda yuqori texnologik tibbiy xizmat ko‘rsatish;
- genetik maslahatlashuv, sog‘lom oilani rejalashtirish, molekulyar-genetik diagnostika, plastik va estetik ginekologiya, yordamchi reproduktiv texnologiyalar kabi sohalarni rivojlantirish;
- respublika, hududiy tibbiyot muassasalari hamda tuman (shahar) tibbiyot birlashmalarida reproduktiv yoshdagi aholi, homilador ayollar, yangi tug‘ilgan chaqaloqlarga ko‘rsatiladigan tibbiy xizmatlarni muvofiqlashtirish, ixtisoslashtirilgan, yuqori texnologik diagnostika va davolash amaliyotlarini joriy etish;
- tibbiyot sohasidagi ta’lim muassasalari bilan hamkorlikda reproduktiv yoshdagi aholi, homilador ayollar, yangi tug‘ilgan chaqaloqlarga malakali tibbiy xizmat ko‘rsata oladigan tibbiyot kadrlarini tayyorlash va qayta tayyorlashda ishtirok etish;
- reproduktiv yoshdagi aholi, homilador ayollar, yangi tug‘ilgan chaqaloqlar kasalliklari bo‘yicha fundamental, amaliy va innovatsion ilmiy izlanish hamda tadqiqotlar olib borish, ular natijalarini keng joriy etish bo‘yicha takliflar ishlab chiqish;
- xorijiy ilmiy-tadqiqot tibbiyot markazlari, klinikalar va ta’lim muassasalari bilan hamkorlik aloqalarini rivojlantirish, qo‘shma ilmiy loyihalarni amalga oshirish;
- tibbiy turizm sohasida tibbiy xizmatlar va yuqori malakali tibbiyot kadrlarini tayyorlash va mazkur xizmatlar eksporti hajmini oshirish.
- yordamchi reproduktiv texnologiyalardan foydalanish, ushbu muolajalarga bo‘lgan moneliklar va cheklovlarni belgilash;
- aholi reproduktiv salomatligini saqlash va mustahkamlashga ko‘maklashuvchi hayot tarzini va uslubini ommalashtirish;
- o‘smirlar orasida reproduktiv a’zolar patologiyasini, irsiy kasalliklarni aniqlashga qaratilgan tibbiy-profilaktika tadbirlarini tashkil etish va o‘tkazish.
- sog‘lom oilani shakllantirish, onalar va chaqaloqlar salomatligini muhofaza qilishda yangi texnologiyalarni yo‘lga qo‘yish, tug‘ma hamda irsiy kasalliklarni erta perinatal va neonatal davrda aniqlash, chaqaloqlar o‘limi va tug‘ma nogironlikni kamaytirish;
- reproduktiv salomatlikni saqlash hamda nikoh oldi tibbiy-genetik xizmati sohasida fuqarolar tibbiy bilimlarini va tibbiy madaniyatini yuksaltirish
- o‘smirlar orasida reproduktiv a’zolar patologiyasini, irsiy kasalliklarni aniqlashga qaratilgan tibbiy-profilaktika tadbirlarini tashkil etish va o‘tkazish;
- homiladorlik dastlabki uch oyida ayollarni ko‘p tarmoqli tuman (shahar) markaziy poliklinikasi “Ayollar maslahatxonasi bo‘limi”da ommaviy perinatal skriningdan o‘tkazish, xavf guruhiga kirgan homilador ayollarda genetik tekshiruvlarni amalga oshirish chora-tadbirlarini yanada takomillashtirish;
- chaqaloqlarni ommaviy skrining tekshiruvidan o‘tkazish orqali bolalarda irsiy kasalliklarga barvaqt tashxis qo‘yish.
Izoh (0)