Hujumchi Kilian Mbappe va “PSJ” o‘rtasidagi shartnomaning ayrim tafsilotlari ma’lum bo‘ldi.
L’Equipe nashrining xabariga ko‘ra, hujumchi klub bilan avval xabar berilganidek 2025-yilgacha emas, bir yilga uzaytirish huquqi bilan 2024-yilga qadar mo‘ljallangan shartnoma imzolagan.
Bandni faollashtirish qarori Kilianni o‘ziga bog‘liq. “So‘nggi yil borasida Mbappening o‘zi qaror qiladi”, — deya tasdiqladi “PSJ”dagi manba.
Shu tariqa 2023-yilda parijliklar hujumchining kelajagi borasida bir qarorga kelishi kerak bo‘ladi. “PSJ” yo Kilianni shartnomani uzaytirishga ko‘ndirishi, yoki uni 2024-yilda tekinga qo‘yib yubormaslik uchun sotib yuborishi lozim bo‘ladi.
Eslatib o‘tamiz, Mbappe yozda “Real”ga erkin agent sifatida o‘tishga yaqin edi, biroq u parijliklar bilan yangi shartnoma imzolashni ma’qul ko‘rdi.
23 yoshli futbolchi joriy mavsum “PSJ” safida barcha musobaqalarda 7 o‘yinda ishtirok etib, 9 ta golga mualliflik qildi.
Izoh (0)