Farg‘ona tumanida fuqaroning pullarini aldov yo‘li bilan qo‘lga kiritgan shaxsga jinoyat ishi qo‘zg‘atildi. Bu haqda viloyat ichki ishlar boshqarmasi axborot xizmati xabar berdi.
Ma’lum qilinishicha, 4-avgust kuni M.S. ismli shaxs Telegram orqali fuqaro F.Z.ning ishonchiga kirib, unga voyaga yetmagan farzandlari bo‘lsa, moddiy yordam berilishini, buning uchun guruhga plastik karta raqamini yuborishi haqida yolg‘on xabar yuborgan. Tegishli bank tomonidan berilgan plastik karta raqamini qo‘lga kiritib, karta hisobida bo‘lgan jami 6 582 750 so‘m pullarini firibgarlik yo‘li bilan yechib olgan.
Mazkur holat yuzasidan Farg‘ona tumani IIB huzuridagi tergov bo‘limi tomonidan Jinoyat kodeksining 168-moddasi 2-qismi “v” bandi (firibgarlik) bilan jinoyati ishi qo‘zg‘atilgan.
Yuqorida ko‘rsatilgan jinoyatni sodir etgan shaxs 5 yilgacha ozodlikdan mahrum qilish bilan jazolanishi mumkin.
Izoh (0)