Tomas Tuxel “Chelsi”dan etganidan so‘ng o‘z Twitter sahifasida jamoaga minnatdorchilik so‘zlarini izhor qildi.

Londonliklar 7-sentabr kuni nemis mutaxassisi bilan hamkorlik bekor qilinganini e’lon qildi. Shundan so‘ng jamoaga Grem Potter olib kelindi.

Bu men uchun yozish og‘ir bo‘lgan arizalardan biri bo‘ldi. Buni hali ko‘p yillar davomida qilishim shart bo‘lmaydi deb o‘ylardim. “Chelsi”dagi faoliyatim yakunlanganidan xafaman.

Klubni shaxs sifatida ham, professional sifatida ham o‘z uyimdek ko‘rardim. Meni boshidanoq iliq qabul qilgan barcha xodimlarga, futbolchilarga va muxlislarga minnatdorchilik bildirmoqchiman.

Jamoa bilan birga Chempionlar Ligasi va klublar o‘rtasidagi Jahon Chempionatidagi g‘alaba qozongandan keyingi g‘urur va xursandchilik butun umr men bilan qoladi. Klub tarixining bir qismi bo‘lganimdan faxrlanaman va o‘tgan 19 oylik xotiralar qalbimda alohida o‘rin egallaydi.

Tomas Tuxel, “Chelsi” sobiq bosh murabbiyi

Tuxel 2021-yil yanvar oyida “Chelsi”ni qabul qilib olgan edi. Murabbiy klub bilan birga Chempionlar Ligasi, Yevropa Superkubogi va klublar o‘rtasidagi Jahon Chempionatida g‘olib bo‘lgan.