Oliy Majlis Senati raisi Tanzila Norboyeva marhum qirolicha Yelizaveta II vafoti munosabati bilan Qirollik oilasi va Buyuk Britaniya xalqiga hamdardlik bildirdi. Bu haqda yuqori palata axborot xizmati xabar bermoqda.
Qayd etilishicha, 12-sentabr kuni Tanzila Norboyeva Buyuk Britaniya va Shimoliy Irlandiya Birlashgan Qirolligi elchixonasiga tashrif buyurib, qirolicha Yelizaveta II ning vafoti munosabati bilan uning oila a’zolariga va butun Buyuk Britaniya xalqiga O‘zbekiston xalqining hamdardligini yetkazgan.
Senat raisi elchixonadagi ta’ziyalar kitobiga hamdardlik so‘zlarini yozib qoldirgan.
“Buyuk Britaniya va Shimoliy Irlandiya Birlashgan qirolligi qirolichasi Yelizaveta II zoti oliyalarining vafoti munosabati bilan qirollikning mo‘tabar oila a’zolariga va butun Buyuk Britaniya xalqiga chin dildan hamdardlik tuyg‘ularimizni izhor etamiz”, — deyiladi Senat raisi ta’ziyanomasida.
Izoh (0)