SHHT Samarqand sammiti arafasida Tojikiston prezidenti huzuridagi Davlat xizmati akademiyasi professori, SHHT sobiq bosh kotibi Rashid Alimov erishilgan natijalar, mazkur tashkilotning buguni va kelajagi haqidagi qator savollarga javob berdi.
SHHT o‘zaro bog‘liqlik muammosini qanday hal qilayotgani va bu yo‘lda qanday to‘siqlar mavjud?
— O‘zaro bog‘liqlik masalasi so‘nggi 10–12 yil ichida, ayniqsa, transport sohasida juda dolzarb bo‘lib kelgan va shunday bo‘lib qolmoqda. Katta yutuqlardan biri sifatida 2014-yilda Dushanbeda avtomobil tashishlari uchun qulay sharoitlar yaratish to‘g‘risidagi bitimning qabul qilinishini ko‘rsatish mumkin. Bu juda murakkab hujjat bo‘lib, u 8 yil davomida BMT ESKATOning yetakchi mutaxassislarini jalb qilgan holda tayyorlandi.
Ushbu bitim SHHTga a’zo barcha davlatlar tomonidan 2016-yilda ratifikatsiya qilingan (o‘sha paytda 6 mamlakat) va eng yirik fundamental xalqaro hujjatga aylangan. Uning qabul qilinishi oltita yashil yo‘lakni shakllantirishda amalga oshirilgan noyob imkoniyatlarni yaratib berdi.
Ushbu bitimning afzalligi shundaki, u ochiq bitim maqomiga ega, unga 2018-yilda Belarus qo‘shilgan, Afg‘oniston va Turkmaniston esa katta qiziqish bildirgan. Turkmaniston kelajakda ushbu hujjatga qo‘shilishga qaror qilsa, Eron yaqin kunlarda SHHTning to‘laqonli a’zosiga aylanishini inobatga olib, fors ko‘rfaziga yashil yo‘lak ochilishini aytib o‘tish kerak. Bunday holda, tovarlarni barcha transport vositalari, shu jumladan, Yevrosiyo makonining istalgan nuqtasiga — Shanxaydan Fors ko‘rfaziga yoki Boltiq dengiziga temiryo‘l orqali yetkazib berish mumkin bo‘ladi.
Albatta, ushbu maqsadga erishish uchun 10 yil davomida samarali va raqobatbardosh transport va texnologik infratuzilmani yaratishga qaratilgan keng ko‘lamli qo‘shma ishlar amalga oshirildi. Qayd etganimdek, O‘zbekiston tashabbusi bilan temiryo‘l administratsiyalari o‘rtasidagi hamkorlik rivojlanmoqda, xalqaro avtomobil tashishlari uchun qulay shart-sharoitlar yaratish ishlari davom etmoqda.
Albatta, o‘zaro bog‘liqlik vazifasini amalga oshirish yo‘lida to‘siqlar mavjud. Ular texnik va xolis xarakterga ega. Transport sohasidagi o‘zaro hamkorlik maqsadida yagona formula va yagona algoritmni ishlab chiqish uchun vaqt, resurslar va barcha davlatlarning roziligi talab etiladi. Ammo bu muammolarni bartaraf etish mumkin.
Izoh (0)