Qovoqcha va pomidordan mazali yegulik tayyorlab ko‘ring

Qovoqcha va pomidordan tayyorlanadigan ushbu yegulikni tayyorlash juda oson. Shu bilan birga taom ishtahani ochuvchi mazali ta’mga ega. Unga o‘zingizga yoqqan ko‘katlarni qo‘shishingiz mumkin. 

Kerakli masalliqlar:

• qovoqcha — 1 dona
• tuxum — 2 dona
• tuz — ta’bga ko‘ra 
• murch — ta’bga ko‘ra 
• sarimsoq — 1 donacha 
• mayonez — 3-4 qoshiq
• pomidor — 2-3 dona
• o‘simlik yog‘i — 3 qoshiq
• ukrop — ta’bga ko‘ra

1. Qovoqchani bo‘laklarga bo‘lib oling va uning suvini qog‘oz sochiq bilan quriting.
2. Tuxumni bir chimdim tuz va murch bilan ko‘pirtiring.
3. Sarimsoqni qirg‘ichdan o‘tkazing va mayonez bilan aralashtiring. Pomidorlarni doira shaklida kesib oling.
4. O‘simlik yog‘ini o‘rtacha olovda qizdirib oling. Qovoqchaning har bir bo‘lagini tuxumga botirib oling va ikkala tomondan oltin jigarrang bo‘lguncha qovuring.
5. Qovoqchani idishga terib chiqing. Har bir bo‘lakka sarimsoq va mayonez aralashmasini surting va ustiga pomidor bo‘lagini qo‘ying.
6. Qovoqchaning sovishini kuting. Pomidorning ustiga mayda to‘g‘ralgan ukrop seping va iste’mol qiling.

Mavzuga doir:

• Besh daqiqada tayyor bo‘ladigan pishloqli xachapuri
• Baqlajondan nima tayyorlash mumkin: Uy bekalari uchun 5 xil noodatiy retsept
• Pitssa ta’mli noodatiy oladye retsepti
• Bir zumda tayyorlanadigan pomidor va yong‘oqli salat retsepti.