Rossiya va Eron sayyohlik guruhlari uchun vizalarni bekor qildi, deb yozadi Meduza.
Besh kishidan 50 kishigacha bo‘lgan guruhlar vizasiz sayohat qilishi mumkin, agar ular mamlakatda 15 kungacha qoladigan bo‘lsa. Yangi rejim 1-yanvardan amal qilishni boshlaydi.
Eronga individual safarlar uchun esa rossiyaliklar avvalgidek viza olishi kerak bo‘ladi.
Dastlab Rossiya va Eron o‘rtasida sayyohlik guruhlari uchun vizasiz rejimni 2021-yildan joriy qilish rejalashtirilgandi, biroq qaror koronavirus pandemiyasi tufayli keyinga qoldirildi.
Urush boshlanganidan keyin rossiyaliklarda chet elda dam olish uchun imkoniyatlar ancha kamayib qoldi. Yevroittifoq mamlakatlari vizalar berishni sezilarli darajada qisqartirdi, Yevropaga yetib olish esa aviaparvozlar bekor qilinishi tufayli tobora qiyinlashib qoldi. Sayyohlar orasida ommabop bo‘lgan Osiyo mamlakatlar bilan aviaqatnov ham sanksiyalar tufayli ancha kamayib ketdi.
Avvalroq Rossiya G‘arb sanksiyalariga qarshi turish maqsadida Eron bilan savdo va harbiy aloqalarni kengaytirib, mustahkamlayotgani xabar berilgandi.
Izoh (0)