O‘zbekistonda talaba qizlarga foizsiz kredit ajratadigan banklar ma’lum bo‘ldi — ro‘yxat

O‘zbekistonda xotin-qizlarga banklar tomonidan foizsiz ta’lim krediti ajratish tartibi joriy qilindi. Moliya vazirligi bu kabi kreditlar ajratayotgan banklar ro‘yxatini ma’lum qildi.

Bunda, talaba va bank o‘rtasida 14 foizli ta’lim krediti ajratish to‘g‘risida shartnoma imzolanadi. Ushbu kredit bo‘yicha foiz stavkalari to‘liq davlat budjetidan qoplanadi. 

Ta’lim kreditini rasmiylashtirgan xotin-qizlar rasmiy o‘qish muddati tugagandan so‘ng yettinchi oydan boshlab 7 yil davomida rasmiylashtirilgan kreditning asosiy qarz qismini qaytaradi.

Imtiyozli ta’lim kreditini rasmiylashtirish uchun quyidagilar talab etiladi:

• imtiyozli ta’lim krediti olish to‘g‘risidagi tijorat bankiga ariza;
• kredit oluvchining shaxsini tasdiqlovchi hujjati;
• Ta’lim muassasasining to‘lov-kontrakt shartnomasi;
• kredit oluvchining doimiy daromad manbaiga ega bo‘lgan oila a’zolari (ota-onasi, aka-ukasi, opa-singlisi, eri) yoki uchinchi shaxs birgalikda qarz oluvchining bank kredit siyosati va ichki tartibiga muvofiq imtiyozli ta’lim krediti qaytarilishining ta’minoti bo‘yicha hujjati.

“Ijtimoiy himoya yagona reyestri”ga kirgan oilalarning xotin-qizlariga ajratiladigan imtiyozli ta’lim krediti bo‘yicha garov va kafillik talab etilmaydi.

Ushbu qarorlar ijrosini ta’minlash yuzasidan quyidagi 12 ta bank hozirda talabalarga foizsiz ta’lim krediti ajratish uchun Moliya vazirligi bilan bitim imzolagan. Bular quyidagilar:

• Mikrokredit bank;
• Asaka bank;
• Agrobank;
• Xalq banki;
• Ipoteka bank;
• Qishloq qurilish bank;
• Turon bank;
• Oriyent finans bank;
• Milliy bank;
• O‘zsanoatqurilishbank;
• Hamkorbank;
• Aloqa bank.

Ta’lim kreditini rasmiylashtirishda muammaolar yuzaga kelsa quyida keltirilgan raqamlarga murojaat qilish mumkin:

Mavzuga doir: 

• Kontraktdagilar uchun qulay yechim: ta’lim kreditini qanday olsa bo‘ladi?
• O‘zbekistonda AKT sohasidagi o‘quv kurslari uchun ta’lim krediti ajratiladi