Baqlajondan nima tayyorlash mumkin: Uy bekalari uchun 5 xil noodatiy retsept

Baqlajon juda foydali mahsulot bo‘lib, undan mazali taomlar-u xilma-xil salatlar tayyorlash mumkin. Marie Claire nashri baqlajon qo‘shib tayyorlanadigan eng sara yeguliklar retsepti bilan bo‘lishdi.

Baqlajonli lazanya

Kerakli mahsulotlar:

• baqlajon — 800 gramm;
• qiyma — 500 gramm;
• tomat pastasi — 500 gramm;
• motsarella — 100 gramm;
• parmezan — 100 gramm;
• quritilgan non — 100 gramm;
• tuxum — 2 dona;
• zaytun moyi — 3 osh qoshiq.

1. Baqlajon tozalanib, qalinligi taxminan bir yarim santimetr bo‘laklarga bo‘linadi. Bir piyola ichida tuxum va ikki osh qoshiq suv aralashtiriladi.
2. Alohida idishda maydalangan parmezan, non bo‘laklari, tuz va qalampir aralashtiriladi. Har bir baqlajon bo‘lagi avval tuxumga, keyin quritilgan non va pishloq aralashmasiga botirilib, so‘ngra zaytun moyi bilan yog‘langan pishirish varag‘iga terib chiqiladi.
3. Pechni birinchi navbatda 180 darajaga oldindan qizdirish kerak, kerakli haroratga erishilganda, baqlajonlar 20-25 daqiqa davomida qizarguncha pishiriladi.
4. Baqlajonlar pishayotganda qiyma zaytun moyida qovuriladi. Taxminan 10 daqiqadan so‘ng qiymaga tomat pastasi qo‘shiladi, keyin hosil bo‘lgan aralashma qaynatib olinadi.
5. Baqlajonlarning bir qismi qolipga solinadi, so‘ng ustidan tomat-go‘shtli sous quyiladi, motsarellaning yarmini sepiladi va qolgan baqlajonlar yana terib chiqiladi. Qolgan motsarella yana sepiladi va 200 darajaga qadar qizdirilgan pechda 10-15 daqiqa davomida pishiriladi.

Kerakli mahsulotlar:

• baqlajon — 800 gramm;
• qattiq pishloq — 100 gramm;
• javdar noni — ikki dona;
• quritilgan non — 50 gramm;
• tuxum — 2 dona;
• sarimsoq — 3 bo‘lak;
• o‘simlik yog‘i — 2 osh qoshiq.

1. Baqlajon mayda to‘g‘rab olinadi va o‘simlik yog‘ida qovuriladi.
2. Baqlajonlar soviguncha pishloq mayda qirg‘ichdan o‘tkaziladi, so‘ngra sarimsoq maydalanadi. Non sutga botirib olinadi.
3. Sovitilgan baqlajonlar bir hil massa bo‘lguncha blenderda aralashtiriladi, so‘ngra non, maydalangan pishloq va sarimsoq, tuxum, qalampir va tuz qo‘shib, hamma narsa yaxshilab aralashtiriladi. Agar massa juda suyuq bo‘lsa, unga biroz non bo‘laklari qo‘shiladi.
4. Kotletlar yasalib, quritilgan nonga botiriladi, oddiy kotletlar kabi tovada qovuriladi.

Kerakli mahsulotlar:

• baqlajon — 300 gramm;
• un — 10 gramm;
• kartoshka — 240 gramm;
• pomidor — 150 gramm;
• smetana — 40 gramm;
• tuz va ko‘katlar.

1. Kartoshka, pomidor va baqlajon to‘rtburchak shaklda to‘g‘raladi.
2. Baqlajonlar tuzlanadi, unga botiriladi va kartoshka bilan qovuriladi.
3. Keyin biroz suv quyilib, qaynatiladi.
4. Keyin pomidor, smetana qo‘shiladi va yana 10-15 daqiqa qaynatib olinadi.
5. Ko‘katlar bilan dasturxonga tortiladi.

• baqlajon — 200 gramm;
• qovoqcha — 200 gr;
• bulg‘ori qalampiri — 300 gramm;
• piyoz — 50 gramm;
• sarimsoq — 2-3 dona;
• pomidor — 150 gramm;
• ko‘katlar — 20 gramm;
• zaytun moyi — 50 gramm;
• tuz va ziravorlar.

Tayyorlanish jarayoni:

1. To‘g‘ralgan piyoz va sarimsoq zaytun moyida qovuriladi, so‘ngra bulg‘ori qalampiri, baqlajon, qovoqcha qo‘shiladi. Tuz va ziravorlar qo‘shiladi.
2. Tayyor aralashma vaqti-vaqti bilan aralashtirilib, taxminan 10-15 daqiqa qaynatib olinadi.
3. Biroz vaqt o‘tgach, to‘g‘ralgan pomidor va rayhon qo‘shiladi va aralashtiriladi, taxminan o‘n daqiqa qaynatib olinadi.

• tovuq filesi — 1 dona;
• baqlajon — 2-3 dona;
• pomidorlar — 2-3 dona;
• pishloq — 150-200 gramm.
• sarimsoq — 1 dona;
• smetana yoki mayonez, petrushka, o‘simlik yog‘i, tuz.

Tayyorlanish jarayoni:

1. Baqlajonni uzunligi bo‘yicha ingichka kesib olinadi, ular tuzli suvga solinadi va 20-30 daqiqaga qoldiriladi.
2. Filening har bir yarmi 2-3 qismga kesib olinadi. Filega tuz va ziravorlar sepilib, biroz uriladi.
3. Pomidorlar halqa shaklida kesib olinadi.
4. Sarimsoq va pishloq aydalanadi.
5. Tovada o‘simlik yog‘i qizdirilib, baqlajonning har tomoni 2-3 daqiqa qovuriladi, keyin ortiqcha yog‘dan qutulish uchun qog‘oz salfetkaga qo‘yiladi.
6. Qolip yog‘lanadi va baqlajon qo‘yiladi. Ustidan file va yana baqlajon qo‘yiladi.
7. So‘ngra pomidorlarga tuz, murch sepib, to‘g‘ralgan sarimsoq va ko‘katlar sepiladi. Ustidan smetana yoki mayonez, pishloq sepiladi.
8. Oldindan qizdirilgan 180 daraja pechga qo‘yiladi va 20-25 daqiqa davomida pishiriladi.