Pitssa ta’mli noodatiy oladye retsepti

Nonushta uchun ajoyib tanlov, ayniqsa bolajonlar sevib iste’mol qilishi shubhasiz. “Noviy ochag” nashri taqdim etgan retsept bo‘yicha pitssa ta’mli oladyelardan bahramand bo‘ling.

Kerakli mahsulotlar:

• kefir — 400 ml;
• un — 200 ml;
• tuxum — 2 dona;
• pishloq — 70 gramm;
• ko‘k piyoz — 1-2 dona;
• bulg‘or qalampiri — 1 dona;
• go‘sht — 100 gramm;
• qabartma — 1 osh qoshiq;
• tuz.

Tayyorlanish jarayoni:

1. Ikkita tuxum, tuz va kefir silliq bo‘lguncha ko‘pirtiriladi.
2. Bir piyola un, choy qoshiq uchida tuz mayda to‘g‘ralgan ko‘k piyoz bilan aralashtiriladi.
3. Bulg‘ori qalampiri, pishloq va go‘sht mayda to‘rtburchak shaklda to‘g‘ralib, un bilan aralashtiriladi.
4. Ustidan qabartma solinadi.
5. Kefirli  hamda unli massa bir-biri bilan yaxshilab aralashtiriladi.
6. Tayyor bo‘lgan massa oldindan tovada qizigan o‘simlik yog‘ida ikki tomoni qizargunga qadar qovuriladi.
7. Dasturxonga yeguliklar sous bilan tortiladi.