Kichik Momfa butun dunyodagi odamlarni hayratda qoldirdi. Qanday qilib deysizmi? U Afrikadagi eng boy bola. Shuningdek, jahon milliarderlar klubining eng yosh a’zosi, deb yozadi Wday.
Bola bor-yo‘g‘i olti yoshida o‘zining birinchi hashamatli uyiga ega bo‘ldi. U tug‘ilgan kunida otasi — internet yulduzi Ismoil Mustafo, katta Momfadan uyni hadyaga oldi.
Chiroyli uydan tashqari, bolaning 10 yillik yubileyi sharafiga sovg‘a qilingan 368 ming dollarlik Lamborghini Aventador avtomobili ham bor. Hisob-kitoblarga ko‘ra, endi Momfaning jami olti milliarddan ortiq Nigeriya nayrasi mavjud.
Kichkina milliarderning haqiqiy ismi Muhammad Aval Mustafodir. Obunachilar uni fondagi hashamatli avtomobillar suratlaridan juda yaxshi tanishadi, masalan, yuqorida aytib o‘tilgan Lamborghini Aventador, shuningdek, qaymoq rangli Bentley Flying Spur. Ba’zi suratlarda uning yonida singlisi Fotima ham paydo bo‘ladi.
Katta Momfa hammani o‘g‘li boyligini o‘zi topganiga ishontiradi. Bolaga birinchi koshonani sovg‘a qilganidan so‘ng shunday dedi: “O‘z uyingga ega bo‘lish — dunyodagi eng yaxshi tuyg‘ulardan biri, uni so‘z bilan tasvirlab bo‘lmaydi va pul bilan o‘lchab bo‘lmaydi. Bu tuyg‘u hayotning har bir kunini boyitadi. Uning sharofati bilan barcha past-balandliklardan so‘ng seni hali ham kelish mumkin bo‘lgan va quchoq ochib qabul qiladigan joy mavjudligiga ishonch bor”.
Kichik Momfaning otasi unga bo‘lgani kabi, qolgan oila a’zolariga ham saxiydir. U ko‘pincha xotinini “Pul xonim” deb ataydi. U bu haqda shunday deydi: “Bunday go‘zal va qo‘llab-quvvatlovchi hamroh bilan hayotda yashash — barakaning o‘zginasidir”.
2022-yil yanvar oyida Ismoil Mustafo Nigeriya korrupsiyaga qarshi agentligi tomonidan 700 million rubl (11 764 711 dollar) ortiq mablag‘ni yuvishda ayblanib, hibsga olingan edi. Milliarder qo‘yilgan ayblarni tan olmadi va 350 ming funt sterling (414 ming dollar) garov evaziga qo‘yib yuborildi.
Ma’lum bo‘lishicha, katta Momfa investitsiyalar bilan shug‘ullanishdan oldin Lagosdagi valyuta ayirboshlash kompaniyasida boylik orttirgan.
Izoh (0)