“Manchester Yunayted”da avgust oyining eng yaxshi futbolchisi aniqlandi

Himoyachi Lisandro Martines “Manchester Yunayted”ning avgust oyidagi eng yaxshi futbolchisi bo‘ldi.

Argentinalik bilan ushbu sovrin uchun Rafael Varan va Tirell Malasia kurash olib bordi. Lisandro katta ustunlik bilan g‘alaba qozondi. 84% muxlislar argentinalik futbolchiga ovoz berdi. Bu “Manchester Yunayted” tarixidagi oy futbolchisini aniqlashdagi eng katta natija.

Malasia 10%, Varan esa 6% ovoz to‘ladi.

2021-yil mart oyidan buyon ilk bor mankunianliklar safida himoyachi oyning eng yaxshi futbolchisi sovrinini qo‘lga kiritdi. So‘nggi bor Lyuk Shou ushbu sovringa ega chiqqandi.

Eslatib o‘tamiz, Martines iyul oyining oxirida “qizil iblislar” safiga qo‘shilgan. Klub futbolchi uchun “Ayaks”ga 57+10 million yevro to‘ladi.