Toshkentda mashinalarning eshigiga kodli qulf osib, uni ochish uchun haydovchilardan pul talab qilgan yigit ushlandi.
Poytaxt IIBB matbuot xizmatining xabar berishicha, olib borilgan tezkor tadbirlar davomida ushbu harakatlarni sodir etganlikda gumondor 29 yoshli M.A. ushlangan. Xolislar ishtirokida uning yonidan 2 dona kodli qulflar topilib, ashyoviy dalil sifatida olingan.
Suhbat davomida u internetda shunday pul ishlash usulini ko‘rib, undan foydalanishga qaror qilganni aytgan. Rejaga ko‘ra, u qulfni avtomashina eshigining ushlagichiga osib, haydovchiga qulfni ochish uchun kod raqamini sotib olish taklifi yozilgan xat qoldirgan. Ko‘rsatilgan hisob raqamiga pul mablag‘lari kelib tushgandan so‘ng, qulf kodini yuborishi kerak bo‘lgan.
Hozirda holat yuzasidan tergovga qadar tekshiruv o‘tkazilmoqda, uning natijalariga ko‘ra qonuniy qaror qabul qilinadi.
Izoh (0)