Toshkentning Chilonzor tumanida tez yordam mashinasi velosipedchini urib yuborgani aks etgan video tarqaldi. Poytaxt IIBB matbuot xizmati holat yuzasidan ma’lumot berdi.
Unda aytilishicha, 28-avgust kuni taxminan soat 16:40 larda Chilonzor tumani KHAY va Bunyodkor ko‘chalari chorrahasida 1984-yilda tug‘ilgan O.Z. Ford rusumli maxsus avtoulovni boshqarib ketayotib, velosiped haydovchisi — 1948-yilda tug‘ilgan G‘.T.ni urib yuborgan.
Oqibatda velosiped haydovchisi G‘.T. tan jarohati olib, kasalxonaga yotqizilgan.
Mazkur holat yuzasidan Toshkent shahar IIBB Tergov boshqarmasi tomonidan tergovga qadar tekshiruv o‘tkazilmoqda.