Bugun,

  • USD 10940.05
  • RUB 182.26
  • EUR 11121.65

Toshkent xalqaro aeroportida avtoturargohlarni rekonstruksiya qilish va kattalashtirish natijasida avtomobil turar joylarining umumiy soni ikki barobar ortadi, deb xabar bermoqda Uzbekistan Airports matbuot xizmati.

Foto: Uzbekistan Airports

Foto: Uzbekistan Airports

Qayd etilishicha, bugungi kunga qadar Uzbekistan Airports balansiga Toshkent aeroportining xalqaro aviaqatnovlar terminali atrofidagi oltita avtoturargoh topshirilgan. Yaqin vaqt ichida o‘rtacha 400 avtomobilga mo‘ljallangan yana bir avtoturargohning topshirilishi kutilmoqda.

Ayni kunlarda poytaxt aeroporti yaqinidagi mavjud avtoturargohlarni rekonstruksiya qilish va yangilarini qurish bo‘yicha ishlar olib borilmoqda. Masalan, uchib ketish zali oldidagi avtoturargohda avtomobil turar joylari soni 214 tadan 333 taga oshiriladi. Hudud soyabon va savdo nuqtalarini olib tashlash, shuningdek, avtobus va taksilar uchun kirish yo'laklarini qayta qurish hisobiga kengaytiriladi.

Shuningdek, uchib kelish zali oldida 175 o‘rinli yangi avtoturargoh yaratilib, 122 o‘rinli mavjud avtoturargoh rekonstruksiya qilindi. Umuman olganda, aeroport atrofidagi hududning yangi loyihasiga asosan avtomobil turar joylari soni 187 foizga — 336 tadan 630 tagacha ko‘paytirildi.

Foto: Uzbekistan Airports

Foto: Uzbekistan Airports

Foto: Uzbekistan Airports

Foto: Uzbekistan Airports

Uchish va kelish zallari orasidagi avtoturargoh ham rekonstruksiya qilinmoqda va u mehmonxonaga/mehmonxonadan tashishni amalga oshiruvchi turistik avtobuslar va mikroavtobuslar uchun mo‘ljallangan. Chekka hududdagi ikkita avtoturargoh ham kelgusida rekonstruksiya qilinishi rejalashtirilmoqda. Yashil hududdagi katta avtoturargoh hozirda Uzbekistan Airports balansiga o‘tkazilmoqda.

“Aeroport oldi hududining yangi loyihasi hududni optimallashtirish hisobiga avtoturargohlar sonini ko‘paytirish, shuningdek, barcha transport turlari — avtobuslar, shaxsiy avtomobillar va taksilar uchun alohida yo‘laklar qurish imkonini beradi. Loyihaga ko‘ra, odamlar ko‘chada turmasligi lozim, avtoturargoh — faqat avtomobillar uchun.

Yo‘lovchilar kuzatuvchi va kutib oluvchilar uchun esa terminalning o‘zida sharoitlar yaratilmoqda. Tez orada uchish zalining uchinchi qavatida umumiy ovqatlanish va chakana savdo shoxobchalari ishga tushadi. Uchib kelish zali oldida kutib oluvchilar uchun qishda issiq, yozda salqin bo‘ladigan yopiq inshootlar, shuningdek, o‘rindiqlar va savdo nuqtalari qurilishi rejalashtirilgan.

Qo‘shimcha qilish lozimki, ekologik tashabbuslarni qo‘llab-quvvatlash maqsadida hududda yuzdan ortiq daraxtlar ekiladi”, — deyiladi Uzbekistan Airports matbuot xizmati xabarida.

Foto: Uzbekistan Airports

Foto: Uzbekistan Airports

Aerovokzal atrofidagi ishlarni joriy haftada yakunlash rejalashtirilmoqda.

Mavzuga doir:

Izoh
Asosiy yangiliklar
Dunyo
Rossiyaning Nyu-Yorkdagi bosh konsulligi binosi qizil bo‘yoqqa bo‘yaldi (video)
Mahalliy
“Yotoqxona ahvoli rahbarlarni qiziqtirmayapti, muammoni aytsak, bizni uydan quvib chiqarishadi”. Navoiyliklar xaroba yotoqxonada yashayotganini aytmoqda
Mahalliy
“Daryo” kundaligida 30-sentabrda sodir bo‘lgan eng muhim voqealar