Futbol bo‘yicha Ispaniya chempionatining 3-turida “Espanyol” va “Real” jamoalari 28-avgust, yakshanba kuni o‘zaro to‘qnash keldi.
Uchrashuvning 12-daqiqasida Vinisius Junior madridliklarni oldinga olib chiqdi. Birinchi bo‘lim so‘ngida Xoselu hisobni tenglashtirdi.
Ikkinchi bo‘limda har ikki jamoa vakillarida qator imkoniyatlar bo‘ldi. 88-daqiqada Karim Benzema qanotdan uzatilgan to‘pni darvozaga joylab qo‘ydi. Hakam tomonidan qo‘shib berilgan vaqtda Benzema jarima zarbasini aniq ijro etib, yakuniy hisobni o‘rnatdi.
Ushbu g‘alabadan keyin “Real” ochkolarini 9 taga yetkazib olgan holda peshqadamlikka qaytdi.
La Liga
3-tur bahsi
28-avgust, yakshanba
“Espanyol” — “Real Madrid” 1:3
Gollar: 0:1 – 12 Vinisius Junior, 1:1 – 43 Xoselu, 1:2 – 88 Benzema, 1:3 – 90+10 Benzema.“Espanyol”: Lekomt, Sanches, Xil, Kabrera, Kalero, Olivan, Darder, Eksposito (Dani Gomes, 89), Vinisius Kosta (Bare, 68), Xoselu, Puado (Melamed, 78).
“Real Madrid”: Kurtua, Ryudiger, Militao, Alaba, Modrich (Kamavinga, 58), Kroos (Sebalos, 80), Tchuameni, Vaskes (Karvaxal, 85), Valverde (Rodrigo, 58), Benzema, Vinisius Junior.
Chetlatish: Lekomt (90+7).
Izoh (0)