Toshkentda pichoqbozlik qilgan Madaniyat vazirligi xodimiga hukm o‘qildi

Toshkent shahri Olmazor tumani sudida 25-avgust kuni Madaniyat vazirligi xodimlarining pichoqlashuvi yuzasidan sud majlisi bo‘lib o‘tdi.

Qayd etilishicha, 8-aprel kuni Olmazor tumani Taxtapul darvoza ko‘chasida joylashgan choyxonada iftorlik qilish uchun kelgan Madaniyat vazirligining sport targ‘ibot kasaba uyushmasi 38 yoshli raisi lavozimida ishlagan shaxs va hamkasbi aktyor F.B. ishtirokida janjal yuzaga kelgan va holat pichoqbozlik bilan yakunlangan.

Shuningdek, kelib chiqqan janjal oqibatida sudlanuvchi hamkasbini qasddan o‘ldirish maqsadida oshxonadan pichoq olib chiqqan va boshqarma boshlig‘ining chap ko‘krak qafasiga tan jarohati yetkazgan va atrofdagilarning ajratib qolganligi tufayli ishini yakuniga yetkaza olmagan.

Jabrlanuvchi olgan tan jarohatlari bilan Toshkent shahar 7-klinik shifoxonasiga yotqizilgan. Ko‘rsatilgan tibbiy yordamlar natijasida hayoti saqlab qolingan.

Jinoyat ishlari bo‘yicha Olmazor tuman sudi mazkur ishni ko‘rib chiqqan. Unda keltirilgan ma’lumotlarga ko‘ra, sudlanuvchi bu harakatlari bilan Jinoyat kodeksining 25-moddasi (jinoyatga tayyorgarlik ko‘rish va jinoyat sodir etishga suiqasd qilish) orqali 97-moddasi (qasddan odam o‘ldirish) 1- qismida nazarda tutilgan jinoyatni sodir etgan.