Avvalroq Toshkent shahri Olmazor tumani sudida 25-avgust kuni Madaniyat vazirligi xodimlarining pichoqlashuvi yuzasidan sud majlisi bo‘lib o‘tgani xabar bergandik.
Qayd etilishicha, jinoyat 8-aprel kuni Olmazor tumani Taxtapul darvoza ko‘chasida joylashgan choyxonada sodir bo‘lgan. Madaniyat vazirligining sport targ‘ibot kasaba uyushmasining 38 yoshli raisi lavozimida ishlagan shaxs va hamkasbi taniqli aktyor va prodyuser Farhod Badalov ishtirokida janjal yuzaga kelgan va holat pichoqbozlik bilan yakunlangan. Ular choyxonaga Ramazon oyining yettinchi kuni iftorlik qilish uchun kelishgan bo‘lgan.
Ishxonadagi tadbirlarni uyushtirib turardim. O‘sha vaqtda kimdir rahbariyatdan odam keldi, dedi. Kutib olgani chiqib ketayotganimda, u so‘kinib haqoratli gaplarni aytdi. “Nima qilayapsan, deb qaraganimda”, meni bir-ikki marta urib yubordi. Bo‘ylari baland bo‘lgani uchun o‘zimni yo‘qotib qo‘ydim. Kuchli ruhiy hayajonda qanday qilib pichoqni olib unga sanchib qo‘yganimni bilmay qoldim. Keyin bolalar kelib qoldi va uni davolatgani olib bordik. Menga uni o‘ldirib qo‘yding, deyishgandi. O‘sha paytda sochlarimga oq tushib ketdi. Ikki marta o‘z jonimga qasd qilishga harakat qildim, kameradoshlarim qutqarib qolishdi. Qilgan ishimdan pushaymonman. To‘rt yarim-besh oydan buyon turmadaman. Bu vaqtda juda ko‘p narsani yo‘qotdim. Turmada ko‘zim ochildi, — deydi sudlanuvchi sud zalida.Jabrlanuvchi olgan tan jarohatlari bilan Toshkent shahar 7-klinik shifoxonasiga yotqizilgan. Ko‘rsatilgan tibbiy yordamlar natijasida hayoti saqlab qolingan.
Jinoyat ishlari bo‘yicha Olmazor tuman sudi mazkur ishni ko‘rib chiqqan. Unda keltirilgan ma’lumotlarga ko‘ra, sudlanuvchi bu harakatlari bilan Jinoyat kodeksining 25-moddasi (jinoyatga tayyorgarlik ko‘rish va jinoyat sodir etishga suiqasd qilish) orqali 97-moddasi (qasddan odam o‘ldirish) 1- qismida nazarda tutilgan jinoyatni sodir etgan.
Eslatib o‘tamiz, jabrlanuvchi Farhod Badalov aktyor va prodyuser hisoblanadi. Xonanda Bahrom Nazarovning ijrochi prodyuseri bo‘lib ishlagan va uning “Pari” klipida suratga tushgan. “Mendirman Jaloliddin” serialida esa kartina direktori vazifasini bajarmoqda.
Mavzuga doir: Toshkentda san’atkor o‘z hamkasbini pichoqlab o‘ldirdi
Izoh (0)