Sirdaryo viloyat Xovos tumanida xonadonida yashash xonadonida taqiqlangan giyohvand moddalarni saqlab kelgan shaxs ushlandi. Bu haqda viloyat Ichki ishlar boshqarmasi xabar qildi.
Qayd etilishicha, IIB Jinoyat qidiruv boshqarmasi Giyohvandlik vositalarini qonunga xilof ravishda muomala qilishga qarshi kurashish bo‘limi tezkor xodimlari tomonidan Xovos tumani hududida “Qora dori-2022” keng qamrovli profilaktik-tezkor tadbiri o‘tkazilgan. Tadbir davomida “Istiqlol” mahallasidagi xonadonlardan biri xolislar ishtirokida ko‘zdan kechirilgan.
Natijada xonadon tomorqasida 2,5 kvadrat metr maydonda 2 tup uzunligi 2-2,5 metr bo‘lgan nasha giyohvandlik o‘simliklari, agro texnik ishlov berilgan holatda o‘sib turgani aniqlanib, ashyoviy dalil sifatida olingan.
Shundan so‘ng, tezkor tadbir davom ettirilib, xonadon qo‘shimcha xo‘jalik xonalari xolislar ishtirokida tekshirilgan. Unda xonadon omborxonasi va ustaxonasida 4 dona 3 litr hajmdagi, 1 dona 2 litr hajmdagi va 2 dona 1 litr hajmdagi shisha idishlarda, 2 dona gugurt qutilarga, mato ustida marixuana giyohvandlik vositasiga o‘xshash vositalari, nasha giyohvand o‘simligiga o‘xshash o‘simlik poyalari, 2 dona qirqilgan giyohvandlik vositi iste’mol qilishda foydalanilgan yelim idishlar hamda uyning mehmonxonasi shkafidagi erkaklar kostyumi cho‘ntagidan qog‘oz bo‘lagiga o‘ralgan, giyohvandlik vositasi iste’mol qilishda foydalanilgan deb gumon qilingan qo‘lbola usulda yasalgan moslama (mushtuk) borligi aniqlangan. Buyumlar ashyoviy dalil sifatida olingan.
Olib borilgan tergovga qadar tekshiruv jarayonida ushbu xonadonda yashovchi A.B nasha giyohvandlik o‘simliklariga o‘xshash o‘simliklarni ekib, parvarishlab hamda xonadonida marixuana giyohvandlik vositasiga o‘xshash vositalarni saqlab kelgani aniqlangan.
Tezkor tadbir jarayonida A.B.ning tomorqasida 2 tup nasha o‘simligi va 3 kilogramm 314 gramm marixuana giyohvandlik vositasi ashyoviy dalil sifatida olingan.
Holat yuzasidan A.B.ga nisbatan Xovos tuman IIB tergov bo‘limi tomonidan Jinoyat kodeksining 276-moddasi (giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlamay qonunga xilof ravishda tayyorlash, egallash, saqlash va boshqa harakatlar) 2-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
Izoh (0)