Qashqadaryo viloyati Yakkabog‘ tumanida uyida giyohvand modda saqlab kelgan shaxs ushlandi. Bu haqda viloyat ichki ishlar boshqarmasi axborot xizmati xabar berdi.
IIB xodimlari tomonidan giyohvandlik vositalari yoki psixotrop moddalari bilan qonunga xilof ravishda muomala qiluvchi shaxslarni aniqlash maqsadida o‘tkazilgan tezkor tadbirda ushbu jinoyat fosh etildi.
Xususan, Yakkabog‘ tumani “Istiqbol” MFYda yashovchi P.A. tomorqasida 2 tup kannabis giyohvandlik o‘simligini parvarishlab kelayotgani aniqlanib, tegishli tartibda hujjatlashtirib olindi. Bundan tashqari, P.A.ning yashash uyi va yordamchi xo‘jalik xonalari ko‘zdan kechirilganda yerto‘lasida 342,7 gramm marixuana giyohvandlik moddasi topildi.
Holat yuzasidan Yakkabog‘ tuman IIB huzuridagi tergov bo‘linmasi tomonidan jinoyat ishi qo‘zg‘atildi.
Izoh (0)