Nukus davlat pedagogika institutiga o‘qishga kiritib qo‘yish uchun pora olgan shaxs ushlandi

Qoraqalpog‘iston Respublikasining Kegayli tumanida o‘qishga kiritish bilan bog‘liq firibgarlik holati fosh etildi, deb xabar bermoqda O‘zA.

Bosh prokuratura huzuridagi Departamentning Qoraqalpog‘iston Respublikasi Kegayli tuman bo‘limi hamda DXX Qoraqalpog‘iston Respublikasi bo‘yicha boshqarmasi xodimlari hamkorligida o‘tkazilgan tezkor tadbir natijasida o‘qishga kiritib berishni va’da qilgan fuqaro ushlangan.

Ariza bilan murojaat qilgan fuqaroning aytishicha, J. ismli shaxs uning ishonchiga kirib, 2 ming dollar evaziga Nukus davlat pedagogika instituti sirtqi ta’limga o‘qishga kiritib berishni va’da qilgan. U Nukus shahri Taxiatosh guzari bo‘yida joylashgan kafesi yonida ariza muallifidan 2 ming dollarni firibgarlik yo‘li bilan olgan vaqtida ushlangan.

Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, dastlabki tergov harakatlari olib borilmoqda.

Mavzuga doir: 

• Buxoroda fuqaroni 3 ming dollar evaziga o‘qishga kiritib qo‘yishni va’da qilgan shaxs ushlandi
• Guliston davlat universitetiga o‘qishga kiritib qo‘yish evaziga 10 ming dollar olgan shaxs ushlandi