Ta’mga bo‘lgan ehtiyojlarning o‘zarishi organizmdagi muammolardan darak beradi. Xo‘sh, tuzlangan karam yoki bir bo‘lak limon iste’mol qilish istagi nimani anglatadi? “Noviy ochag” nashri quyida ushbu savolga javob berdi.
Pishmagan mevalar, tuzlangan karam, limon — to‘satdan nordon narsa iste’mol qilish istagi paydo bo‘ladi. Agar doimo bunday mahsulotlarni afzal ko‘rganlardan biri bo‘lmasangiz, o‘zgarishga nima sabab bo‘lganini aniqlash lozim. Nordon ta’mga doimiy ishtiyoqning paydo bo‘lishi organizmdagi normal faoliyatning buzilishini anglatishi mumkin.
Nima uchun nordon narsa iste’mol qilish istagi paydo bo‘ladi va vaziyatni qanday tuzatish kerak?
Avitaminoz
C vitamini yetishmasligida inson nordon mahsulot yeyishni xohlaydi. Odatda ushbu vitamin yetishmasligi ovqatlanish va jismoniy mashqlar fonida charchoqning kuchayishi, tez-tez shamollash (yiliga 4 martadan ko‘proq), teri rangining o‘zgarishi, qon tomirlarining mo‘rtligi (ko‘karishlar), kabi o‘zgarishlar bilan birga kuzatiladi. Uyqu rejimida (kunduzi uyquchanlik va kechasi uyqusizlik), mushak og‘rig‘i (mialgiya) va bo‘g‘imlar, bosh og‘rig‘i ham paydo bo‘ladi. Yechim organizmni C vitaminining qo‘shimcha dozalari bilan ta’minlashdir.
Yuqumli kasalliklar
Organizmda C vitaminining normal darajasi bo‘lsa ham tana haroratining oshishi bilan bog‘liq yuqumli kasallik paytida u yetarli bo‘lmasligi mumkin. Bunday vaqtda organizmda ko‘proq askorbin kislota kerak bo‘ladi, bu viruslarga qarshi kurashda asosiy qurol — interferon ishlab chiqarish uchun zarurdir. Tiklanishni tezlashtirish uchun shifokorlar kattalar uchun kuniga 1000 mg gacha, bolalar uchun esa 250 mg gacha C vitamini olishni tavsiya etadi.
Oshqozon-ichak trakti kasalliklari
Oshqozon-ichak traktidagi patologik jarayonlar, ayniqsa yallig‘lanish tabiati, ko‘pincha kislotalilikning buzilishi bilan birga keladi. Organizm kislotali ovqatlar iste’mol qilish orqali me’da shirasi ishlab chiqarish taniqsligini qoplashga intiladi. Ko‘pincha bunday istaklar gastrit, oshqozon yarasida va kislotalilik kamayishi bilan bog‘liq. Nordon ta’m istagi ham o‘t yo‘llari va jigar kasalliklarining alomati bo‘lishi mumkin.
Homiladorlik
Homiladorlik davrida ko‘p ayollar nordon mahsulotlar bilan ovqatlanadi. Odatda bunday istak tabiiy hisoblanadi va biror chora ko‘rishni talab qilmaydi. Homilador ayollarning nordonga ta’mga bo‘lgan istagi homiladorlikning birinchi yarmida jig‘ildon qaynashi va toksikoz bilan izohlanadi. Ushbu davrda organizmdagi fermentlarning faolligi pasayadi va kislotali ovqatlardan foydalanish ovqat hazm qilishni rag‘batlantiradi, qolaversa, noxush alomatlarning namoyon bo‘lishini kamaytiradi. Kislotali ovqatlar ham homila skeletining shakllanishi uchun zarur bo‘lgan kalsiyning so‘rilishini oshiradi.
Ba’zi nordon ta’mli mahsulotlarga bo‘lgan xohish nimani anglatadi?
Nordon rezavor va mevalar
Nega smorodina, klyukva yoki limon iste’mol qilishni xohlashadi? Odatda bu rezavor va mevalarni iste’mol qilish istagi kaliy va askorbin kislotasi yetishmasligidan dalolat beradi. Ushbu moddalar yurak-qon tomir, immunitet va ovqat hazm qilish tizimlarining faoliyatida muhim rol o‘ynaydi. Bunday mahsulotlarni vitamin-mineral komplekslarida qabul qilish mumkin, ular orasida kaliy va askorbin kislotasi mavjud.
Tuzlangan karam
Tuzlangan karamga bo‘lgan ishtiyoq PP va C vitaminlari, shuningdek, ichaklarning to‘liq ishlashi uchun zarur bo‘lgan mineral yetishmasligini ko‘rsatadi. Qoida tariqasida, ularning yetishmovchiligi stress va jismoniy zo'riqishlardan keyin sodir bo‘ladi.
Sutli mahsulotlar
Organizmning fermentlangan sut mahsulotlariga bo‘lgan ehtiyoji (kefir, tvorog, yogurt) kalsiyga bo‘lgan ehtiyojni oshiradi. Uning yetishmovchiligi bilan osteoporoz rivojlanadi — suyaklarning mo‘rtligi kuchayadi. Sut mahsulotlari normal metabolizmni ta’minlash uchun zarur bo‘lgan prebiyotiklarga, shuningdek, letsitin va lizinga boy.
Izoh (0)