Hid bilish qobiliyatining yo‘qolishi tibbiyotda anosmiya deb ataladi. Keyingi ikki yilda bu holat ko‘proq koronavirusga chalingan kishilarda kuzatilmoqda.
Kanadalik olimlar bemorlarda ana shu qobiliyat tiklanishiga “mas’ul” oltita genni aniqlashga muvaffaq bo‘ldi.
Mutaxassislar fikricha, hid bilmaslik Parkinson, Alsgeymer, demans kabi xastaliklar belgisi va miya jarohatlari asorati bo‘lishi mumkin. Ammo bu qobiliyatning to‘laqonli izga tushishi uchun maxsus mashqlar va vitaminlar muolajasi har doim ham yetarli bo‘lmaydi.
E’tiborli jihati, yangi topilgan genlarning har biri faoliyatini tiklash uchun allaqachon dori-darmonlar yaratilgan. Buyog‘iga ana shu mahsulotlar tarkibi va ta’sir kuchini umumlashtiruvchi universal preparat ishlab chiqarilishi zarur.
Shu ma’noda, olimlarning mazkur tadqiqoti kelgusida anosmiyani tez va samarali davolash borasida zamonaviy tibbiyotga yangi imkoniyatlarni taqdim etishi mumkin.
Izoh (0)