Toshkentda ikki kishiga xorijdagi OTMda o‘qigani to‘g‘risida soxta hujjatlar tayyorlab bermoqchi bo‘lgan shaxs ushlandi

Bosh prokuratura huzuridagi departament o‘qishga kiritib qo‘yish va ko‘chirib berish bilan bog‘liq navbatdagi firibgarlik holatlarini aniqladi.

Departamentning Toshkent shahar boshqarmasi tomonidan DXX xodimlari bilan hamkorlikda o‘tkazilgan tezkor tadbirda, fuqaro X.M. fuqarolar Z. va Sh.ning ishonchiga kirib, ularga xorijdagi oliy o‘quv yurtida o‘qiganligi to‘g‘risida soxta hujjatlar tayyorlab berish orqali Toshkent shahridagi oliy ta’limi muassasalariga ko‘chirib berishi evaziga 7 200 dollarni olgan vaqtida ashyoviy dalillar bilan ushlangan.

Shu kabi, Yangi Namangan tuman bo‘limi tomonidan o‘tkazilgan tezkor tadbirda, fuqaro K.A. fuqaro Sh.ni go‘yoki Toshkent shaharida yuqori lavozimda ishlovchi tanishlari orqali 1 000 dollar evaziga Namangan davlat universitetining “Musiqa” yo‘nalishiga o‘qishga kiritib qo‘yishni va’da qilib, shundan 500 dollarni olgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.

Mavzuga doir:

• Guliston davlat universitetiga o‘qishga kiritib qo‘yish evaziga 10 ming dollar olgan shaxs ushlandi
• Samarqandda fuqarodan oliygohga kiritib qo‘yish uchun 4000 dollar pora olgan shaxs ushlandi