Farg‘onada fuqaroning elektr energiyasidan 5,4 mln so‘mlik qarzdorligini so‘ndirib bermoqchi bo‘lgan shaxs aniqlandi

Qo‘shtepa tumanida fuqaroning elektr energiyasidan qarzdorligini yo‘q qilib bermoqchi bo‘lgan firibgar ushlandi.

Bosh prokuratura huzuridagi departamentning Qo‘shtepa tuman bo‘limi tomonidan tezkor tadbir o‘tkazilgan.

Unda, fuqaro O.J. fuqaro S.ga o‘zini elektr ta’minoti korxonasi nazoratchisi deb tanishtirib, uning xonadonidagi elektr tarmog‘idan 5,4 million so‘m qarzdorligini yo‘q qilib berish evaziga 3 million so‘mini firibgarlik yo‘li bilan qo‘lga kiritib, ushbu pullarni qaytarib bergan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.