Yevropa Ittifoqining tashqi ishlar bo‘yicha oliy vakili Jozep Borrel Rossiya fuqarolariga Shengen vizalari berilishini butunlay taqiqlashni taklif qilayotgan bir qator YI davlatlari pozitsiyasiga qarshi chiqdi, deb yozmoqda Bloomberg.
“Barcha rossiyaliklarning (Yevropa Ittifoqiga) kirishini taqiqlash — unchalik yaxshi fikr emas. Biz ko‘proq tanlovli bo‘lishimiz kerak”, — dedi Borrell Ispaniyadagi konferensiyada.
Yevropa diplomatiyasi rahbarining ta’kidlashicha, rossiyalik oligarxlarni Yevropa Ittifoqiga kiritmaslik kerak, ammo “Rossiyadagi vaziyatda yashashni istamagani uchun mamlakatni tark etishni istagan rossiyaliklar ham ko‘p”.
31-avgust kuni Yevropa Ittifoqi tashqi ishlar vazirlari Pragadagi norasmiy yig‘ilishda Rossiya fuqarolariga Shengen vizalarini berishni to‘xtatishga chaqirgan qator YI davlatlarining taklifini muhokama qiladi. Avgust oyi boshida bu masala Yevropa Ittifoqida rasmiy muhokamaga qo‘yilgan edi. Estoniya, Latviya, Litva va Chexiya kabi davlatlar YI miqyosida to‘liq taqiq qo‘yishni qo‘llab-quvvatlasa, Germaniya kansleri Olaf Shols bu g‘oyani ma’qullamayapti.
Izoh (0)