Ichki ishlar vaziri o‘rinbosari — Jamoat xavfsizligi departamenti boshlig‘i polkovnik Bekmurod Abdullayev tomonidan o‘tkazilgan yig‘ilishda respublikadagi barcha yo‘l-patrul xizmati xodimlarining xizmat faoliyati davrida shaxsiy telefonidan foydalanishini taqiqlash bo‘yicha ko‘rsatma berilgani haqida xabar e’lon qilingandi. Ichki ishlar vazirligi axborot xizmati rahbari Shohrux G‘iyosov holat yuzasidan munosabat bildirdi.
Ma’lum qilinishicha, vazirlik rahbariyati tomonidan xizmatga jalb etilgan YPX xodimlarining shaxsiy telefonlarini yig‘ib olish bo‘yicha ko‘rsatma berilmagan, faqat begona odamlar yoki haydovchilarning telefoniga javob berish kabi holatlarga barham berish qat’iy nazoratga olingani uqtirilgan.
Xodimlarning yo‘riqnomada telefonlarini yig‘ib olish masalasiga kelsak, bu joylardagi ayrim rahbarlarning shaxsiy tashabbusi bo‘lishi mumkin. Bunday holatlar o‘rganiladi. YHXX matbuot kotibi Aziz Murodovning harakatini ham o‘rganamiz. Jurnalistlarga hozirjavob bo‘lishi — uning to‘g‘ridan to‘g‘ri vazifasi, javob bermaganining obyektiv sababi bo‘lmasa, intizomiy jazolanadi, — deydi G‘iyosov.Ma’lumot uchun, “Kun.uz” xabarida YPX xodimlari har kuni ertalabki yo‘riqnoma chog‘ida shaxsiy qo‘l telefonlarini topshirib, xizmatga telefonsiz chiqishlari hamda xizmat vaqtida telefondan foydalanmasliklari talab etilayotgani bildirilgandi.
Izoh (0)