Prezident Shavkat Mirziyoyev bugun. 22-avgust kuni tadbirkorlar bilan ochiq muloqot o‘tkazdi. Shavkat Mirziyoyev muloqotda 5 ta yo‘nalish bo‘yicha tashabbuslarni bildirdi.
“Daryo” muxbiri mazkur ochiq muloqot yuzasidan Namangan metallurgiya zavodi bosh direktori Gulbahor Tojimirzayevadan izoh oldi.
O‘zim ilgari chet elda yashaganman. Chetdan turib ham prezidentning tadbirkorlar bilan muloqotini kuzatib borar edim. Bu muloqot tadbirkorlar uchun juda ham katta imkoniyatlar yaratadi. Chunki tadbirkorlarni har qanday sohada faoliyat olib borishida turli xil muammolarga duch keladi. Davlat rahbari tadbirkorlarning dardini eshitib, ular bilan birgalikda muammolarni hal qilishga kirishilsa o‘ylaymanki har qanday tadbirkorlar bundan ruhlanadi. Biror ishga qo‘l urgan inson kimdandir biror yordam yoki ko‘mak olishni xohlaydi. Shu bois men o‘ylaymanki, bugungi uchrashuvimiz muvaffaqiyatli bo‘ladi.Shaxsan o‘zimga keladigan bo‘lsak qariyb 15 yil Xitoyda yashab kelayotgan edim. Davlatimizda bo‘layotgan mana shunday katta imkoniyatlar, islohotlar tufayli O‘zbekistonga qaytib kelishga qaror qildim. Bu biz yoshlar uchun katta ro‘l o‘ynaydi. Hozirgi kunda 100 million dollarlik yangi loyihani amalga oshirishni rejalashtirganmiz.
Bundan 5-6 yil avval konvertatsiya masalasida muammolar bor edi. Biz biror mahsulot sotib olmoqchi yoki biror korxonani ishga tushirmoqchi bo‘lsak valyutani chet elga chiqarishning o‘zi muammo edi. Hozirda esa bu narsa haqida o‘ylaymaydi tadbirkor. Qo‘shni davlatlarimizga sayohat qilib, ularni o‘rgandim, bu muammo ularda hamon mavjud. Yana bir masala — ta’limga katta e’tibor berilyapti. Yoshlarimiz hozirgi kunda juda ham ko‘p grantlar orqali chet elga borib, bepul ta’limda o‘qish imkoniyatini qo‘lga kiritishdi. Bunaqa imkoniyat yoshligimizda yo‘q edi. 6 yil ichida O‘zbekistonda katta o‘zgarishlar bo‘lganini ko‘ryapman.
Namangan metallurgiya zavodi bosh direktori Gulbahor Tojimirzayeva
Izoh (0)