Tailand hukumati 1-oktabrdan 2023-yil 31-martgacha xorijlik fuqarolarga mamlakatda bo‘lish muddatini uzaytirishga ruxsat beradi. Bu haqda Bangkok Post xabar bermoqda.
Unga ko‘ra, Tailandga kelishi bilan viza oladigan davlatlar, shu jumladan, O‘zbekiston fuqarolari uchun mamlakatda vizasiz yurish muddati 15 kundan 30 kunga uzaytiriladi.
Mamlakatga viza olmasdan kirish huquqiga ega xorijliklar uchun esa vizasiz yurish muddati 30 kundan 45 kungacha uzaytiriladi.
Shu yo‘l bilan mamlakat rasmiylari turizmdan tushadigan daromadlarni oshirish va koronavirus pandemiyasidan jabr ko‘rgan Tailand iqtisodiyotini tiklash niyatida.
Mavzuga doir: O‘zbekistonda Saudiya Arabistoni fuqarolari uchun 30 kunlik vizasiz rejim joriy qilinadi
Izoh (0)