Saudiya Arabistonining Jidda shahrida Toshkent vaqti bilan 20-avgust, shanba tunida katta boks oqshomi bo‘lib o‘tdi.
Musobaqaning asosiy jangida super og‘ir vazn toifasida WBA, WBO, IBF va IBO kamarlari sohibi Oleksandr Usik (19-0, 13 KO) va Entoni Joshua (24-2, 22 KO) o‘zaro to‘qnash keldi.
Jangning katta qismi ukrainalik bokschi ustunligida kechdi. Yakunda ikki hakam Usikning g‘alabasini qayd etgan bo‘lsa, yana biri Joshuaning foydasiga qaror chiqargan.
Eslatib o‘tamiz, bu ular o‘rtasidagi revansh jangi hisoblanadi. Bokschilar o‘rtasidagi dastlabki jang 2021-yilning sentabr oyida “Tottenhem Hotspur” stadionida bo‘lib o‘tgandi. Unda Usik hakamlar qaroriga ko‘ra (117-112, 116-112, 115-113) Joshua ustidan g‘alaba qozongan edi.
Izoh (0)