Islom birdamligi o‘yinlarida ishtirok etgan O‘zbekiston delegatsiyasini kutib olish munosabati bilan Toshkentdagi bir nechta ko‘chalar yopiladi

19-avgust kuni Konya shahrida (Turkiya) bo‘lib o‘tgan V Islom birdamligi o‘yinlarida ishtirok etgan O‘zbekiston delegatsiyasini kutib olish maqsadida soat 18:00 dan 23:00 gacha bo‘lgan vaqtda Toshkentning bir necha ko‘chalari avtomobillar harakati uchun yopiladi:

• Toshkent xalqaro aeroportidan Qumariq va Sodiqjon Tolipov ko‘chalari bo‘ylab Nukus ko‘chasigacha;
• Nukus ko‘chasidan uning Oybek ko‘chasi bilan kesishmasigacha;
• Oybek va Afrosiyob ko‘chalaridan Afrosiyob ko‘chasining Sharof Rashidov ko‘chasi bilan kesishmasigacha;
• Sharof Rashidov ko‘chasi bo‘ylab uning Navoiy shohko‘chasi bilan kesishmasigacha;
• Navoiy shohko‘chasi bo‘ylab uning Amir Temur shohko‘chasi bilan kesishmasigacha;
• Amir Temur shohko‘chasi bo‘ylab uning Islom Karimov ko‘chasi bilan kesishmasigacha;
• Islom Karimov ko‘chasi bo‘ylab uning Botir Zokirov ko‘chasi bilan kesishmasigacha;
• Botir Zokirov ko‘chasidan Paxtakor ko‘chasi 79-uygacha.