Iyul oyi davomida Yevropaning oltita yirik davlati Ukrainaga hech qanday harbiy yordam taklif qilmadi, bu mamlakatda urush boshlanganidan beri birinchi holat. Bu haqda Politico xabar bermoqda.
Aprel oyi oxiridan boshlab Yevropa davlatlaridan Ukrainaga harbiy yordam ko‘rsatish hajmining pasayish tendensiyasi kuzatilgan.
Qayd etilishicha, 11-avgust kuni “Kopengagen – Ukraina – 2022” donor konferensiyasida ishtirok etuvchi davlatlar Ukrainaga qurol sotib olish uchun 1,5 mlrd yevro ajratishga kelishib olgan, biroq bu mablag‘ avvalgi miqdorlarga nisbatan “arzimas” ko‘rinadi.
Harbiy harakatlar muhim bosqichga kirgan bo‘lsa-da, yangi yordam tashabbuslari yo‘qolib bormoqda, — deydi Ukraina Support Tracker dasturini tuzuvchi guruh rahbari Kristof Trebesh.
Trebesh, shuningdek, Yevropa Ittifoqi Ukrainani qo‘llab-quvvatlashdan ko‘ra, koronavirus pandemiyasining oqibatlarini bartaraf etish uchun ko‘proq mablag‘ ajratayotganini ta’kidladi.
Avvalroq G‘arb davlatlari Ukrainaga harbiy ehtiyojlar uchun 1,5 milliard yevro va’da qilgani haqida xabar berilgandi.
Izoh (0)