Qashqadaryo viloyatining Qarshi shahrida yashovchi fuqaro teri zavodidan chiqayotgan badbo‘y hiddan norozi bo‘lib, ustiga benzin sepib yoqib yuborgani haqida xabar berilgandi. Viloyat Ekologiya boshqarmasining ma’lumot berishicha, teri zavodi bundan avval ham aholi noroziligiga sabab bo‘lib kelgan.
Qarshi shahridagi “Qarshi Leather” MCHJ shaklidagi xorijiy korxonada ekologiya xodimlari tomonidan muntazam ravishda tabiatni muhofaza qilish va tabiiy resurslardan oqilona foydalanishga oid qonun hamda normativ huquqiy hujjatlar talablari ijrosini ta’minlash yuzasidan o‘rganish ishlari olib borilgan. Jumladan, o‘rganishlar natijasida 2021-yilning mart oyida Iqtisodiy sudning hal qiluv qarori asosida korxonaga kiritilgan da’vo arizasi bo‘yicha o‘tkazilgan o‘rganishlarda zavodning atrof muhitni ifloslantirganligi aniqlangan. Vazirlar Mahkamasining 2018-yil 11-oktabrdagi “Tabiatni muhofaza qilishni ta’minlashning iqtisodiy mexanizmlarini yanada takomillashtirish chora-tadbirlari to‘g‘risida”gi qaroriga asosan korxonaga 284 million so‘m miqdorida majburiy kompensatsiya to‘lovlarini to‘lash maburiyati yuklatilgan.Viloyat Ekologiya boshqarmasining ma’lumot berishicha, aholi noroziligiga sabab bo‘lgan korxona faoliyatini vaqtincha to‘xtatish bo‘yicha sudga ariza kiritilgan.Berilgan ekologik ekspertiza xulosasi talablarining bajarilishi, ifloslantiruvchi moddalarni me’yor darajasidan yuqori chiqqanligi va o‘rnatilgan talablariga rioya etilmaganligi bo‘yicha aniqlangan kamchiliklar, atrof tabiiy muhitni ifloslantirganlik uchun keyingi o‘rganishlarda 346 million so‘m miqdorida ma’muriy kompensatsiya to‘lovi ham hisoblangan, — deyiladi boshqarma axborotida.
2021-yil noyabr oyida viloyat Ekologiya boshqarmasi tomonidan Iqtisodiy sudga mazkur korxona faoliyatidagi kamchiliklar bartaraf etilgunga qadar, vaqtincha faoliyatini to‘xtatish bo‘yicha ariza kiritilgan. Xorijiy korxona rahbarining 2022-yil mart oyida viloyat Ekologiya boshqarmasiga yuborgan xatida korxona Xitoy davlat investorlari tomonidan 2022-yil 1-mart kunidan noma’lum muddatga to‘xtatilganligi, korxona suvlarini kanalizatsiya quvuriga qo‘yish bo‘yicha biror bir to‘siq va taqiqlar bo‘lsa ular tomonidan kiritilgan investitsiya mablag‘larini olib chiqib ketish hamda korxona faoliyatini butunlay to‘xtatilishi ma’lum qilingan. Shuningdek, korxona ish faoliyatini qayta tiklash uchun Qarshi shahar kanalizatsiya quvurining g‘arbiy nuqtasiga chiqindi oqova suvlari quyilishi kerakligi aytilgan, — deydi boshqarma mutasaddilari.Viloyat Ekologiya boshqarmasi korxona aholi yashovchi hududga yaqin joyga chiqindi to‘kkani uchun viloyat hokimligi, viloyat IIB boshchiligidagi mas’ullar hududni tozalab, ayni kunda hududga sport maydonchalari qurilganini bildirgan.
Yuqoridagi xabar bo‘yicha viloyat Ekologiya boshqarmasi mas’ullari tadbirkorlik subyektini o‘rganish bo‘yicha vakolatli organlardan tegishli ruxsatnomalar olib, vakolati doirasida tezkor o‘rganishlar o‘tkazadi. O‘rganish yakunlari bo‘yicha qo‘shimcha axborot beriladi, — deyiladi boshqarma axborotida.
Izoh (0)