Qashqadaryo viloyatining Qarshi shahrida teri zavod faoliyatidan norozi bo‘lgan fuqaro ustiga benzin sepib yoqib yubordi. Bosh prokuratura mazkur holatga munosabat bildirdi.
“Mazkur holat yuzasidan Qarshi shahar prokuraturasi tomonidan tergovga qadar tekshirish harakatlari olib borilmoqda. Fuqaroning o‘zini yoqib yuborishi sabablari aniqlanmoqda”, — deyiladi Bosh prokuratura axborot xizmati rahbari Hayot Shamsutdinov tarqatgan axborotda.
Zavod oldida to‘plangan aholining aytishicha, zavoddan chiqayotgan badbo‘y hid ularga noqulaylik tug‘dirmoqda.
O‘zini yoqib yuborgan fuqaroning aytishicha, u kirakashlik bilan shug‘ullanadi. Holatdan norozi bo‘lib zavod rahbariyatiga murojaat qilgan fuqaro tahdidga uchragan.
“Shu Akmalni deb mening yashagim kelmayapti”, — deydi o‘zini yoqib yuborgan fuqaro.
“Daryo” voqealar rivojini kuzatishda davom etadi.
Izoh (0)