15-avgust kuni Turkiyaning Istanbul shahrida kuchli yomg‘ir transport ishini to‘xtatib qo‘ydi, jala tufayli shaharning tarixiy qismidagi Katta bozor (Kapali charshi) va Misr bozori suv ostida qoldi. Bu haqda TRT telekanali xabar berdi.
Istanbulning Yevropa qismiga eng ko‘p yog‘ingarchilik tushdi. Telekanal xabariga ko‘ra, yer usti transporti harakatlanishida qiyinchiliklar yuzaga kelgan, Eminonu, Sariyer va Beykoz tumanlarida uylarning birinchi qavati, shuningdek, yer osti o‘tish yo‘llari suv ostida qoldi.
Bosfor yaqinidagi tumanlardan birida restoranning tayanch devori qulab tushdi, dastlabki ma’lumotlarga qaraganda, vayronalar ostida bir kishi qolmoqda.
Istanbul hukumati avtomobil egalarini ko‘chaga mashinada chiqmaslikka chaqirmoqda. Shaharda ob-havo xavfining “sariq” darajasi e’lon qilindi.
Izoh (0)