Qashqadaryoda “Chordangitepa” arxeologik yodgorligining bir qismi buzilib, uy-joy qurib yuborilgani aniqlandi

Qashqadaryo viloyati Yakkabog‘ tumanida joylashgan X—XII asrlarga oid “Chordangitepa” arxeologiya yodgorligining bir qismi fuqaro M.F. tomonidan buzib tashlangani aniqlandi. Bu haqda Bosh prokuratura xabar qildi.

Qayd etilishicha, yodgorlik o‘rnida uy-joy qurib yuborilgan va davlat manfaatlariga 315 million so‘mlik zarar yetkazilgan.

Bundan tashqari, Samarqand tumanidagi VI—VII asrlarga oid “Nomsiztepa” arxeologiya yodgorligi bir qismi noma’lum shaxslar tomonidan buzilgan. Oqibatda davlat manfaatlariga 1,5 milliard so‘mlik juda ko‘p miqdorda zarar yetkazilgan.