Polsha Tashqi ishlar vazirligi rossiyaliklarga viza berishni taqiqlash masalasini ko‘rib chiqmoqda

Polsha Tashqi ishlar vazirligi rossiyaliklarga viza bermaslik cheklovi to‘g‘risida konsepsiya ishlab chiqmoqda, deb ma’lum qildi Polsha tashqi ishlar vaziri o‘rinbosari Pyotr Vavjik. Bu haqda “Kommersant” xabar bermoqda.

Uning so‘zlariga ko‘ra, Yevropa Ittifoqining barcha davlatlari rossiyaliklar uchun yagona viza taqiqini qo‘llab-quvvatlamaydi. Masalan, Germaniya, Fransiya va Gollandiya. Shuning uchun Polsha o‘z konsepsiyasini ishlab chiqmoqda.

Rossiya fuqarolari uchun viza tartibini soddalashtirish bo‘yicha kelishuvni to‘xtatib turish uchun ushbu mamlakatlarning qarshiligini yengib bo‘lmasligi sababli Polsha yangi yechim ustida ishlamoqda, — deydi tashqi ishlar vaziri o‘rinbosari.

Chexiya, Estoniya, Latviya va Litva allaqachon rossiyaliklarga viza berishni taqiqlagan. Daniya va Gollandiya davlatlari ham rossiyaliklarga qisqa muddatli vizalar berish bo‘yicha cheklov qo‘ygan. Finlyandiyada esa rossiyaliklarga viza berishni taqiqlash masalasi muhokama qilinmoqda.

Mavzuga doir: AQSH rossiyaliklarga viza berishni cheklamaydi — Davlat departamenti