Liga 1. “PSJ” o‘z uyida raqib darvozasiga 5 ta gol urdi, Neymardan dubl
Futbol bo‘yicha Fransiya chempionatining 2-turida “PSJ” 13-avgust, shanba kuni “Monpelye”ga qarshi bahs olib bordi.
Uchrashuvning 39-daqiqasida parijliklar raqib futbolchisining avtogoli evaziga oldinga o‘tib oldi. Birinchi bo‘lim yakunlanishi arafasida Neymar penaltini muvaffaqiyatli amalga oshirib, hisobni ishonchli ko‘rinishga keltirdi.
Ikkinchi bo‘lim debyutida Neymar jamoasining uchinchi goli urdi. 58-daqiqada hisob qisqardi. 69-daqiqada Kilian Mbappe, 87-daqiqada Renatu Sanshesh gol urgan holda, hisobni 5:1 ko‘rinishiga keltirdi. Qo‘shib berilgan vaqtda mehmonlar yana bir gol urishga erishdi.
Shu tariqa Parij jamoasi ketma-ket ikkita o‘yinni o‘z foydasiga hal qilgan holda musobaqa peshqadami bo‘lib turibdi.
Liga 1
2-tur bahslari
13-avgust, shanba
“PSJ” — “Monpelye” 5:2
Gollar: 1:0 – 39, avtogol Sako, 2:0 – 43, penalti Neymar, 3:0 – 51 Neymar, 3:1 – 58 Hazri, 4:1 – 69 Mbappe, 5:1 – 87 Sanshesh, 5:2 – 90+2 Tshato.“PSJ”: Donnarumma, Hakimi (Mukiyele, 86), Ramos, Markinyos, Kimpembe, Mendesh, Verratti (Sanshesh, 86), Vitinya (Paredes, 70), Messi, Neymar (Ekitik, 90), Mbappe (Sarabiya, 86).
“Monpelye”: Omlin, Mauassa (Suke, 70), Tshato, Sako, Kotssa, Sen-Lyus, Savanye (Fayyad, 86), Ferri, Shotar (Lerua, 86), Hazri (Jermen, 78), Vai (Sako, 79).
Ogohlantirishlar: Kimpembe (60), Vai (63), Vitinya (66).
