Futbol bo‘yicha Angliya Premyer Ligasining 2-turida “Manchester Yunayted” 13-avgust, shanba kuni “Brentford” mehmoni bo‘ldi.
Dastlabki bo‘limda maydon egalari “qizil iblislar” darvozasini javobsiz to‘rt bor ishg‘ol qildi. Josh Dasilva, Matias Yensen, Ben Mi va Brayan Mbemo o‘z hisobiga gol yozdirib qo‘ydi.
Ikkinchi bo‘limda hisob o‘zgarmadi va “Manchester Yunayted” mavsumni ketma-ket ikkita mag‘lubiyat bilan boshladi.
1-turda Erik ten Hag shogirdlari “Brayton”ga yutqazib qo‘ygandi. Jamoaning keyingi o‘yini 23-avgust kuni “Liverpul”ga qarshi bo‘ladi.
APL
2-tur bahsi
13-avgust, shanba
“Brentford” — “Manchester Yunayted” 4:0
Gollar: 1:0 – 10 Dasilva, 2:0 – 18 Yensen, 3:0 – 30 Mi, 4:0 – 35 Mbemo.“Brentford”: Rayya, Xiki (Sorensen, 80), Mi, Yansson, Roerslev, Genri, Nergor (Oneka, 80), Yensen (Baptist, 74), Touni, Dasilva (Yanelt, 62), Mbemo (Vissa, 73).
“Manchester Yunayted”: De Xea, Diogu Dalot, Maguayr, Martines (Varan, 46), Shou (Malasia, 46), Eriksen (van de Bek, 87), Fred (Maktominey, 46), Brunu Fernandesh, Ronaldu, Reshford, Sancho (Elanga, 60).
Ogohlantirishlar: Maguayr (16), Maktominey (82), Reshford (89), Brunu Fernandesh (90).
Izoh (0)