Surxondaryoda davlat zaxirasidagi yerni 190 mln so‘mga sotib yubormoqchi bo‘lgan shaxs ushlandi

Surxondaryo viloyati Sho‘rchi tumanida yerni noqonuniy ravishda sotib yubormoqchi bo‘lgan shaxs ushlandi.

Sho‘rchi tumanida 2022-yil 1-avgust kuni, viloyat IIB huzuridagi Tergov boshqarmasidan tushgan hujjatlarga ko‘ra, Jarqo‘rg‘on tumanida yashovchi, D.U.ning arizasiga asosan, 25-iyul kuni Jarqo‘rg‘on tuman hududida, viloyat IIB Jinoyat qidiruv boshqarmasi Korrupsiya va iqtisodiy jinoyatlarga qarshi kurashish bo‘limi xodimlari tomonidan tezkor tadbir o‘tkazilgan.

Unda Qumqo‘rg‘on tumanida yashovchi, X.T. davlat zaxirasida bo‘lgan 20 sotix yerni 190 million so‘mga sotishini aytib, undan ushbu pullarni olgan vaqtida ashyoviy dalillar bilan ushlangan.

1-avgust kuni X.T.ga nisbatan Jinoyat kodeksining 168-moddasi 4-qismi “a” bandi bilan jinoyat ishi qo‘zg‘atilgan.