Qoraqalpog‘istonda “Qo‘ng‘irot—Miskin—Qo‘ng‘irot” yo‘nalishida qatnovchi shaharlararo yo‘lovchi poyezdi qatnovi yo‘lga qo‘yiladi. Bu haqda Qoraqalpog‘iston transport vazirligi xabar berdi.
Ma’lum qilishinicha, Qoraqalpog‘istonning Miskin, To‘rtko‘l, Ellikqal’a tumanlari aholisi uchun 2022-yil 10-avgust kunidan boshlab 2 ta vagondan iborat shaharlararo yo‘lovchi poyezdi qatnovi yo‘lga qo‘yiladi.
Ushbu vagonlar “Toshkent—Qo‘ng‘irot—Toshkent” yo‘lovchi poyezdi harakatlanadigan kunlari 35-, 36-umumiy tartib raqam bilan poyezd tarkibida harakatlanadi. Jumladan, 2022-yilning 10-avgust kunidan boshlab 53-sonli “Qo‘ng‘irot—Toshkent” yo‘lovchi poyezdining oxirgi qismiga vagonlar ulanadi va Qo‘ng‘irot bekatidan Miskin bekatigacha harakatlanadi. Va shu kuni Miskin bekatida uziladi.
2022-yilning 11-avgust kunidan boshlab esa 54-sonli “Toshkent—Qo‘ng‘irot” yo‘lovchi poyezdining oxirgi qismiga vagonlar ulanib, Miskin bekatidan Qo‘ng‘irot bekatigacha harakatlanadi.
Fuqarolar qo‘shimcha ma’lumotlarni Toshkent shahrida 1005 qisqa telefon raqami, joylardagi temir yo‘l kassalari hamda ma’lumotlar byurosidan bilib olishilari mumkin.
Izoh (0)