Toshkent viloyati Qibray tumanida to‘xtatilgan Damas avtomobilida giyohvand modda borligi aniqlandi. Bu haqda viloyat yo‘l harakati xavfsizligi boshqarmasi axborot xizmati xabar berdi.
Qayd etilishicha, Qibray tumanida xizmat olib borayotgan YPX inspektori tomonidan 1987-yilda tug‘ilgan S.S. boshqaruvida bo‘lgan Damas tekshirish uchun to‘xtatilgan. Haydovchining xatti-harakati shubhali bo‘lgani bois tegishli tartibda ko‘zdan kechirilganda uning yonida 26,13 gramm marixuana (ekspertiza xulosasi) giyohvandlik moddasi borligi aniqlangan.
Holat yuzasidan fuqaro S.S. ga nisbatan Jinoyat kodeksining 276-moddasi (giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlamay qonunga xilof ravishda tayyorlash, egallash, saqlash va boshqa harakatlar) 1-qismi bilan jinoyat ishi qo‘zg‘atilib, tergov harakatlari olib borilmoqda.
Izoh (0)